«Ես միշտ էլ կողմ եմ եղել միացմանը, իմ քայլերն ուղղված են դրան: Բայց պետք չէ, որ դա մենք այսօր բացահայտ կատարենք: Իսկ Փաշինյանի հայտարարությունը ողջունում եմ: Նա առաջին ղեկավարն է, որը բացահայտ նման հայտարարություն է անում եւ աշխարհին ներկայացնում հայկական դիրքորոշումը»,-լրագրողների հետ զրույցում այսօր անդրադառնալով Ստեփանակերտում ՀՀ վարչապետ Նիկոլ Փաշինյանի՝ «Արցախը Հայաստան է եւ վերջ» հայտարարությանը, ասաց Արցախի Պաշտպանության բանակի նախկին հրամանատար Սամվել Բաբայանը:
«Արցախն ընտրական փուլում ունենում է նախագահ, բայց Նիկոլ Փաշինյանը պարտավոր է ներկայացնել Արցախի շահերը բանակցություններում: Որ օրն Արցախում մարզպետ նշանակվի, այլեւս դրա կարիքը չի լինի»,-նշեց Սամվել Բաբայանը:
Լուիզա ՍՈՒՔԻԱՍՅԱՆ
