Վաշինգտոն. ԱՄՆ Ներկայացուցիչների պալատի ութսուն ինը կոնգրեսական համախմբվեցին, որպեսզի աջակցեն Հալո Թրաստի ականազերծման ջանքերին Արցախում (Լեռնային Ղարաբաղ) մի նամակում՝ նախաձեռնված կոնգրեսական Տի Ջեյ Կոկսի (Դեմոկրատ, Կալիֆորնիա) և Բրադ Շերմանի (Դեմոկրատ, Կալիֆորնիա) կողմից, ի հավելումն, նմանատիպ նամակ է քննարկվում Սենատում, հաղորդեց Ամերիկայի հայկական համագումարը (Համագումար):
«Մենք կոչ ենք անում ԱՄՆ Միջազգային զարգացման գործակալությանը (USAID) վերանայել Լեռնային Ղարաբաղում ականազերծման մարդասիրական ջանքերի ֆինանսավորման այս տարվա վերջում դադարեցման որոշումը: Սա ավելի կարևոր է քան երբևէ, որ մենք շարունակենք աջակցել մարդասիրական ականազերծման ծրագրին տարածաշրջանում մինչև կհասնենք ամբողջովին ականազերծ կարգավիճակի»,- ասվում է նամակում:
Կոնգրեսի անդամները նամակում մատնանշում են, որ, եթե USAID-ը դադարեցնի տարածաշրջանի ականազերծման ամբողջ աջակցությունը, այս քայլը «կթողնի Լեռնային Ղարաբաղի ժողովրդին ապրել մահվան ու խեղման վախի մեջ ականներից առանց տեղական որևէ կարողության չեզոքացնել ընթացիկ սպառնալիքը»:
«Հազարավոր ականներ դեռ կան տարածքում և ընտանիքներ ապրում են այնտեղ ամեն օր մահվան կամ կործանիչ խեղման վտանգում. ժամանակը չէ, որ Միացյալ Նահանգները հետ կանգնի Լեռնային Ղարաբաղի ժողովրդի նկատմամբ իր պատմական պարտավորությունից»,- ասաց Հալո Թրաստ ԱՄՆ գործադիր տնօրեն Քրիս Ուատլին:
Կարդացեք նաև
«Ամերիկայի հայկական համագումարը գնահատում է Կոնգրեսի բազմաթիվ անդամների ամուր աջակցությունը այս կարևոր մարդասիրական նախաձեռնության հարցում: Մենք պետք է նաև շնորհակալություն հայտնենք Հալո Թրաստին իր խիստ կարևոր կյանքապահպան գործի համար»,- հայտարարեց Համագումարի կոնգրեսական հարաբերությունների տնօրեն Մարիամ Խալոյանը:
Ամերիկայի հայկական համագումարը հիմնադրվել է 1972 թվականին: Այն ամենամեծ համազգային, անկուսակցական, հասարակական կազմակերպությունն է Վաշինգտոնում, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c)(3) կարգավիճակով հարկերից ազատված անդամակցական կազմակերպություն է:
Ամերիկայի հայկական համագումարի հաղորդագրություն
