«Հյուսիս-հարավ» ավտոճանապարհի 25 ենթակապալառու ընկերությունների աշխատակիցներն այսօր բողոքի ցույց էին կազմակերպել եւ փակելու էին ճանապարհի Աշտարակ-Ուջան հատվածը:
Խնդիրն այն է, որ շինարարության հիմնական կապալառու կազմակերպության`«Կորսան Կորվիամ» ընկերության հետ կառավարությունը խզել է պայմանագիրը, տվյալ ընկերության ֆինանսական խնդիրների պատճառով, իսկ ենթակապալառու ընկերություններին գումարները չի վճարվել:
Ցույցի կազմակերպիչներից Գուրգեն Հովհաննիսյանն Aravot.am-ի զրույցում ասաց, որ իրենք պահանջում են, որպեսզի կառավարությունը իսպանական կազմակերպությունից հետ պահման եւ երաշխիքային գումարներից վճարի ենթակապալառու ընկերությունների գումարները: Ենթակապալառու ընկերությունների գումարները դեռ մեկ տարի առաջ պետք է վճարված լինեին: «Մայիսի 31-ին մեզ խոսք էին տվել, որ 45 օրվա ընթացքում այդ հարցը կլուծեն, բայց արդեն 67 օր է անցել ու մեր հարցը ոչ մի լուծում չի ստացել»,-ասաց Գուրգեն Հովհաննիսյանը:
Բողոքի ցույցը, սակայն, չկայացավ: Գուրգեն Հովհաննիսյանն Aravot.am-ին փոխանցեց, որ քիչ առաջ իրենց զանգահարել են եւ հրավիրել ոստիկանության Աշտարակի բաժանմունք: «Ասեցին`շատ կոշտ արձագանք եք ունենալու»,- ասաց մեր զրուցակիցը:
Կարդացեք նաև
Նելլի ԳՐԻԳՈՐՅԱՆ
Լուսանկարը՝ արխիվային
