Օրերս ոստիկանության Քանաքեռ-Զեյթունի բաժնում անձնական ունեցվածքի գողության վերաբերյալ մի քանի ահազանգ հնչեց։ Տեսախցիկների ուսումնասիրությամբ երևում էր, որ մի երիտասարդ գաղտնի հափշտակություններ է կատարում գեղեցկության սրահներից, սրճարաններից, «Հաղթանակ» զբոսայգում գտնվող տոմսարկղերից մեկից, նույնիսկ՝ սոցիալական ապահովության գրասենյակից։ Միայն մի դեպքով տուժողին պատճառվել էր 800․000 դրամի վնաս։
Ոստիկանության Քանաքեռ-Զեյթունի բաժնի համայնքային ոստիկանության ու քրեական հետախուզության բաժանմունքների ծառայողները համատեղ իրականացրին տարաբնույթ միջոցառումներ՝ կարճ ժամանակում պարզելով գողությունները կատարելու մեջ կասկածվող անձի ինքնությունը։
Ոստիկանները երիտասարդին հայտնաբերեցին օգոստոսի 1-ին ու կասկածանքով բերման ենթարկեցին Քանաքեռ-Զեյթունի բաժին։ Նրա անձնական խուզարկությամբ հայտնաբերվեցին ձեռնոցներ, պտուտակահաններ, բանալի և այլն, որոնք առգրավվեցին՝ հետագա գործողությունների համար։ Բերման ենթարկվածը տվեց խոստովանական բացատրություն։
Դեպքերի հանգամանքները պարզվում են։ Ձեռնարկվում են համապատասխան միջոցառումներ գողոնը հայտնաբերելու ուղղությամբ։
Քննությունը շարունակվում է։
Կարդացեք նաև
Ոստիկանություն
