«Դավիթ Գրիգորյանին անձամբ ճանաչում եմ, շատ պարկեշտ մարդ է եւ գրագետ իրավաբան, եւ կարծեմ թե՝ անապակ անցյալով պետական ծառայող, քանի որ աշխատել է դատախազությունում»,-«Զարկերակ» մամուլի ակումբում լրագրողների հետ զրույցում այսօր անդրադառնալով Ռոբերտ Քոչարյանի գործը քննած դատավոր Դավիթ Գրիգորյանի հանդեպ քրեական հետապնդմանը, ասաց ԲՀԿ պատգամավոր Գեւորգ Պետրոսյանը:
Նկատի ունենալով այն փաստը, որ կան լրազորությունները դադարեցրած Դավիթ Գրիգորյանին սատարող եւ չսատարող փաստաբաններ, Պետրոսյանը շեշտեց՝ Դավիթ Գրիգորյանի հանդեպ քրեական հետապնդմանն իրավական գնահատական տալու համար պետք է տեղյակ լինել գործի հանգամանքներին:
«Գործից տեղյակ չեմ, չեմ կարող ասել, բայց չէի ուզի, որ հետո պարզվի, որ սա ոչ թե իրավական գործողություն էր, այլ իշխանության անձնական հաշվեհարտար: Տարօրինակ է, որ թիրախավորվում են միայն այն դատավորները, որոնք իշխանության քիմքին ոչ հաճո որոշումներ են կայացնում: Տա աստված՝ սխալվեմ: Ասածս իմ կարծիքն է, ոչ թե ԲՀԿ-ի: Քրեական հետապնդումը գուցե հիմնավոր է, գուցե անհիմն»,-նշեց Գեւորգ Պետրոսյանը:
https://www.facebook.com/aravot.am/videos/880255812345737/
Կարդացեք նաև
Լուիզա ՍՈՒՔԻԱՍՅԱՆ
