«Միջազգային դատարանների որոշումների հիմքով ՀՀ դատավորների հանդեպ կարգապահական վարույթ հարուցելու եւ կարգապահական պատասխանատվության ենթարկելու հիմքը կա, սակայն հարուցման փուլում հարուցող մարմինն ինքը պետք է գնահատի՝ տվյալ դեպքում դատավորի կողմից դատավարական կամ նյութական նորմի կոպիտ խախտում եղե՞լ է, թե ոչ»,-լրագրողների հետ զրույցում այսօր, անդրադառնալով տեղեկություններին, որ դատավորները պատասխանատվության կենթարկվեն՝ ՄԻԵԴ-ում պարտված գործերի, այսինքն՝ ՀՀ-ի դեմ ՄԻԵԴ որոշումների հիմքով, ասաց արդարադատության նախարար Ռուստամ Բադասյանը:
«Վերջում ԲԴԽ-ն ինքը պետք է գնահատի՝ կա՞ դատավորի կարգապահական խախտում, թե ոչ»,-նշեց Ռուստամ Բադասյանը: Նախարարը հավելեց՝ Դատական օրենսգրքի մի հատվածը, որով կարգավորվում է գույքային հիմքով դատավորների հանդեպ կարգապահական վարույթ հարուցելու ընթացակարգը, գրեթե պատրաստ է. «Դատական օրենսգրքում փոփոխություններ են նախատեսվում: Օրինագիծը շուտով կդրվի հանրային քննարկման»:
https://www.facebook.com/aravot.am/videos/216388952603852/
Լուիզա ՍՈՒՔԻԱՍՅԱՆ
Կարդացեք նաև
