Ազատ ոճի ըմբիշներն ավարտում են պայքարը Սոֆիայում ընթացող պատանիների աշխարհի առաջնությունում:
Այսօր Հայաստանի հավաքականից միայն 92 կգ քաշային Լյովա Գեւորգյանը կգոտեմարտի բրոնզե մեդալի համար: Նրա մրցակիցը հնդիկ Մոնու Դահիյան է: Ավագ մարզիչ Արշակ Հայրապետյանի սաներից եւս երեքը երրորդ տեղի համար պայքարելու շանս էին ստացել, սակայն 45 կգ քաշային Էդիկ Հարությունյանը, 51 կգ քաշային Լեւիկ Միքայելյանը եւ 60 կգ քաշային Գենիկ Ասատրյանը չկարողացան հաղթահարել սփոփիչ գոտեմարտերը:
Աշոտ ՀԱԿՈԲՅԱՆ
