«Երբ անցյալ տարի հունիսին Ստեփանակերտում հանրահավաքներ էին, վարչապետ Փաշինյանը շատ հստակ հայտարարեց, որ չի աջակցում հեղափոխությունն Արցախ արտահանելու կոչերին: Հայաստանի իշխանությունը հավատարիմ է մնացել այդ հանձնառությանը եւ Արցախում ներքաղաքական հակասություններ չի փնտրել»,- Aravot.am-ի հետ զրույցում ասաց քաղաքագետ, Արցախի խորհրդարանի արտաքին հարաբերությունների հանձնաժողովի նախկին նախագահ Վահրամ Աթանեսյանն`անդրադառնալով երեկ «Գոլոս Արմենիի» թերթին Ռոբերտ Քոչարյանի տված հարցազրույցին:
Հիշեցնենք, ՀՀ երկրորդ նխագահ Ռոբերտ Քոչարյանը, պատասխանելով Հայաստանից հեղափոխությունն Արցախ արտահանելու հարցին, մասնավորաբար ասել էր. «Հուսով եմ՝ Հայաստանից հեղափոխության արտահանում Արցախ տեղի չի ունենա, չնայած Հայաստանի իշխանությունների համառ ջանքերին: Արտահերթ ընտրությունները սովորաբար արտացոլում են ներքաղաքական ճգնաժամը, որի նախանշաններ Ղարաբաղում հաստատ չկան: Այնտեղ ձեռակերտ ճգնաժամ ստեղծելը մեծ անպատասխանատվության դրսևորում և ազգային շահերի դավաճանություն կլինի: Ղարաբաղցիները պետք է ամրություն ցուցաբերեն և մերժեն ապակառուցողական միջամտության ցանկացած փորձ»:
«Իսկ որ հայաստանյան որոշ շրջանակներ, այդ թվում՝ երկրորդ նախագահ Ռոբերտ Քոչարյանին աջակցող, այդ նույն ժամանակ փորձել եւ փորձում են Արցախի իշխանություններին «հաստատակամության» կոչ հղելով՝ նրանց հակադրել Նիկոլ Փաշինյանին, անհերքելի փաստ է: Կառուցողակա՞ն, թե՞ ապակառուցողական է դա, թող դատի երկրորդ նախագահը»,- հավելեց մեր զրուցակիցը:
Նելլի ԳՐԻԳՈՐՅԱՆ
Կարդացեք նաև
Արցախցի մեր սիրելի հայրենակիցները ցաւօք տակաւին չեն զգացել անցեալ տարուայ իրադարձութիւնների բերկրանքը։ Ժողովրդավարութիւնը պէտք է Արցախ հասնի։
Արցախի ղեկավարութիւնն իրեն շատ սանձարձակ է պահում։ Օր առաջ պէտք է դրանց կարգի հրաւիրել։ Վաղը ուշ կը լինի։ Նրանք պէտք է իրենց պահեն այնպէս, ինչպէս մեր միւս մարզերը։