Մանվել Գրիգորյանի եւ Նազիկ Ամիրյանի գործով հերթական դատական նիստում այսօր դատավոր Մնացական Մարտիրոսյանը հայտարարեց, որ դատարան է ստացվել Պետեկամուտների կոմիտեի գրությունն այն մասին, որ ՊԵԿ իրավաբանական վարչությունը խնդրում է այս գործով գույքի վրա դրված կալանքի մի մասը վերացնել՝ հնարավորություն տալով, որպեսզի ՊԵԿ-ը աճուրդի-վաճառքի եղանակով գույքի իրացում անի՝ 1 միլիարդ 18 միլիոն դրամի շարժական եւ անշարժ գույքը վաճառի եւ ուղղի պետբյուջե՝ որպես հարկային պարտավորության կատարում:
Նամակում, դատավորի փոխանցմամբ, շեշտված է, որ խոսքը «Արա եւ Այծեմնիկ» ԲԲԸ-ի մասին է, որի ողջ գույքի վրա նախաքննական մարմնի կողմից կիրառված է կալանք: Հիշեցնենք, որ «Արա եւ Այծեմնիկ» ԲԲԸ-ն պատկանում է Մանվել Գրիգորյանի ընտանիքին: ՊԵԿ-ի գրությունը դեռ պետք է քննարկվի:
Հիշեցնենք, որ ԵԿՄ նախկին նախագահ, ՀՀԿ-ական նախկին պատգամավոր Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթման եղանակով 37 միլիոն դրամ արժողությամբ գույքի հափշտակություն կազմակերպելու համար: Նրա կինը՝ Նազիկ Ամիրյանն էլ մեղադրվում է ամուսնու եւ որդու՝ Արման Գրիգորյանի հետ նախնական համաձայնությամբ ապօրինի կերպով իրենց պատկանող երեք տներում ռազմամթերք, պայթուցիկ նյութեր պահելու, հափշտակությունների համար:
Կարդացեք նաև
https://www.facebook.com/aravot.am/videos/608333403027130/
Լուիզա ՍՈՒՔԻԱՍՅԱՆ
