Ռուսաստանի քաղաքացիների 54%-ը կցանկանար, որ Վլադիմիր Պուտինը նախագահեր 2024թ-ից հետո: 38%-ը դա չի ուզում, իսկ 8%-ը դժվարացել են պատասխանել հարցին: Նման արդյունքներ է հրապարակել հասարակական կարծիքի ուսումնասիրության «Լևադա-կենտրոնը»:
«Մարդիկ հույս ունեն, որ Պուտինը հետագայում կկարողանա հաղթահարել երկրի խնդիրները» հարցին դրական է պատասխանել հարցման մասնակիցների 24%-ը. դա 2001թ-ից հետո ամենացածր ցուցանիշն է: Միաժամանակ, 43%-ը Պուտինի նկատմամբ վստահությունը բացատրում են այլընտրանքի բացակայությամբ. դա 2001թ-ից հետո առավելագույն ցուցանիշն է:
Վլադիմիր Պուտինը չորրորդ ժամկետով ընտրվել է 2018թ. մարտին: Ըստ Սահմանադրության՝ նա այլևս առաջադրվելու իրավունք չունի 2024թ ընտրություններում: Սակայն մամուլում բազմաթիվ հրապարակումներ կան այն մասին, որ Կրեմլում Պուտինի իշխանությունը երկարաձգելու տարբերակներ են դիտարկվում:
2018թ. հարցմանը Պուտինին 2024թ. հետո Կրեմլում ցանկանում էին տեսնել հարցման մասնակիցների 51%-ը, իսկ դեմ հանդես էին գալիս 27%-ը :
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
