«Ես հասկանում եմ՝ Քոչարյանի հանդեպ քաղաքական հետապնդումը չի կարող լուրջ անհանգստություն չառաջացնել մեր ռազմավարական դաշնակից Ռուսաստանի մոտ: Դա ուղղակի հնարավոր չէ»,-«Sputnik Արմենիա»-ում լրագրողների հետ հանդիպմանն այսօր հայտարարեց Մարտի 1-ի գործով ՀՀ սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը:
«Անկախ ամեն ինչից՝ կալանավորված է նախկին նախագահ, եւ դա արվել է սահմանադրության խախտմամբ, ինչը վատ նախադեպ է: Բացի այդ, Ռոբերտ Քոչարյանը ռուսական ամենախոշոր կորպորացիաներից մեկի տնօրենների խորհրդի անդամ է, եւ այդ պաշտոնը զբաղեցնում է ավելի քան տասը տարի: Ցավալի է, որ ՀՀ-ում հայտարարում են, թե քաղաքական հետապնդում չկա»,-նշեց Վիկտոր Սողոմոնյանը:
Լուիզա ՍՈՒՔԻԱՍՅԱՆ
Կարդացեք նաև
