Հուլիսի 27-ին Մոսկվայում տեղի ունեցած չարտոնված ցույցի ժամանակ բերման է ենթարկվել 1373 մարդ, հայտնվում է ОВД-Инфо իրավապաշտպան կազմակերպությունը: Ոստիկանության տվյալներով այդ թիվը 1074 է:
Հաղորդվում է, որ ոստիկանությունն օգտագործել է մահակներ և ռետինե գնդակներ: Ցուցարարները դաժան ծեծի են ենթարկվել
Մոսկվայում բողոքի ցույցեր և երթեր են հուլիսի 14-ից՝ ի պաշտպանություն Մոսկվայի քաղաքային դումայի ընտրություններում ինքնաառաջադրված թեկնածուների, որոնց գրանցումը մերժվել էր:
Մինչ այժմ ամենազանգվածային ցույցը տեղի է ունեցել հուլիսի 20-ին, որին մասնակցել է մոտ 25 հազար մարդ: Հենց այդ ժամանակ ընդդիմության առաջնորդ Ալեքսեյ Նավալնին առաջարկել էր որպես բողոքի նշան հուլիսի 27-ին հավաքվել Մոսկվայի հենց կենտրոնում՝ քաղաքապետարանի շենքի դիմաց:
Կարդացեք նաև
Հուլիսի 27-ին ընդառաջ մի քանի օրով կալանավորվել էին ընդդիմության առաջնորդ Ալեքսեյ Նավալնին և անկախ թեկնածուները: Նրանց բնակարաններում անցկացվել է խուզարկություն: Արդեն հուլիսի 27-ին խուզարկություն է անցկացվել նաև Նավալնիի ստուդիայում և անկախ «Դոժձ» հեռուստաալիքի խմբագրությունում:
Տարածքային պատգամավոր Իլյա Յաշինը հայտարարել է, որ հաջորդ ցույցը տեղի կունենա օգոստոսի 3-ին: Այդ հայտարարությունից 40 րոպե անց նրան բերման են ենթարկվել:
Պատրաստեց՝ Վիկտորյա ԱՆԴՐԵԱՍՅԱՆԸ
