Մոսկվայի կենտրոնում քաղաքապետարանի դիմաց տեղի ունեցող բողոքի ակցիայի ժամանակ ձերբակալվել է 435 մարդ: Այս մասին հաղորդում է Meduza-ն՝ վկայակոչելով ОВД-Инфо պարբերականի տվյալները:
Հաղորդվում է, որ ոստիկանները կիրառել են մահակներ և էլեկտրաշոկերներ:
Ըստ ոստիկանության տվյալների՝ ակցիային մասնակցել է ընդամենը 3500 մարդ, այդ թվում «մոտ 700 լրագրող և բլոգեր, որոնք ավելի վաղ տեղեկացրել էին ակցիան լուսաբանելու համար իրենց մասնակցության մասին»: Ոստիկանությունից նաև հայտնում են, որ բերման ենթարկվածների թիվը 295 է:
Մոսկվայի քաղաքապետարանի մոտ ակցիան կազմակերպվել է ի աջակցություն քաղաքային դումայի ընտրություններում անկախ թեկնածուների, որոնց թեկնածությունը չէր գրանցվել: Նմանատիպ զանգվածային ակցիաները Մոսկվայում անցկացվում են հուլիսի 14-ից:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
