Հուլիսի 27-ին Վազգեն Սարգսյանի անվան «Հանրապետական» մարզադաշտում ֆուտբոլի Իսպանիայի եւ Պորտուգալիայի Մ-19 հավաքականները կորոշեն 2019 թվականի Եվրոպայի չեմպիոնին:
Այսօր այդ երկրների հավաքականների գլխավոր մարզիչները եւ թիմերի ավագները հանդիպեցին լրատվամիջոցների հետ, պատասխանեցին նրանց հարցերին:
Սանտի Դենիա, Իսպանիայի հավաքականի գլխավոր մարզիչ. «Նախ ողջունում եմ Պորտուգալիայի ֆուտբոլի ֆեդերացիային փայլուն աշխատանքի համար, քանի որ սա նրանց երրորդ անընդմեջ եզրափակիչն է այս առաջնությունում: Եզրափակչում շատ գեղեցիկ խաղ եմ ակնկալում, ինչպես եղավ խմբային փուլում: Որոշիչ կարող են լինել փոքր նրբությունները եւ մենք հիմա աշխատում ենք դրանց եւ ֆիզիկական դիմացկունության վրա: Ուզում ենք անել այնպես, որ մեզ համար անակնկալներ չլինեն:
Գոհ եմ իմ թիմի խաղից, գոլային պահեր ստեղծելու եւ իրացնելու տոկոսային հարաբերությունից, հավատում եմ տղաներին, որ վաղը դրական արդյունքի կհասնենք:
Կարդացեք նաև
Շնորհավորում եմ ՀՖՖ-ին եւ ՈՒԵՖԱ-ին այս առաջնությունը բարձր մակարդակով կազմակերպելու համար: Գոհ ենք թե ենթակառուցվածքներից, թե ժողովրդից, թե հյուրընկալությունից: Մենք այս ամբողջ ընթացքքում գտնվել ենք Հայաստանի մայրաքաղաքում: Շատ տպավորված եմ երեւանցիներով՝ քաղաքը ֆուտբոլային է եւ բոլորն ապրում են ֆուտբոլով»,-ասաց Սանտի Դենիան:
Աշոտ ՀԱԿՈԲՅԱՆ
