Ռոբերտ Քոչարյանի եւ մյուսների գործով դատավոր Դավիթ Գրիգորյանի աշխատասենյակում հուլիսին ՀՀ հատուկ քննչական ծառայության կողմից իրականացված քննչական գործողությունների ընթացքում կատարվել են նաեւ օրենքով չնախատեսված քրեադատավարական գործողություններ՝ համակարգչի կոշտ կրիչի առգրավում, աշխատասենյակի մուտքի դռան կնիքում՝ օրենքով չնախատեսված կերպով: Այս մասին այսօր «Sputnik Արմենիա»-ում լրագրողների հետ հանդիպմանը հայտարարեց դատավոր Դավիթ Գրիգորյանի շահերի ներկայացուցիչ, փաստաբան Գեորգի Մելիքյանը:
https://www.facebook.com/aravot.am/videos/2338470346407763/
Նրա բնորոշմամբ՝ քննչական գործողությունները տեղի են ունեցել առանց Դավիթ Գրիգորյանի գիտության եւ առանց նրա հետ համաձայնեցնելու, մինչդեռ օրենքն ասում է, որ դատավորին եւ ԲԴԽ-ին մեկ օր առաջ պետք է իրազեկեին. «Նրա աշխատասենյակ է ներկայացել քննիչ Մեջլումյանը եւ արգելել դատավորի մասնակցությունն առգրավում ենթադրող քննչական գործողությանը: Առգրավվել են նաեւ այլ համակարգիչներ: Քննիչը կնիքել է աշխատասենյակի դուռը: Սա լուրջ իրավական հետեւանքներ ունի, քանի որ առանց դատարանի որոշման, ինչպես օրենքն է պահանջում, կնիքվել է աշխատասենյակի դուռը: Ոստիկանն էլ հսկում է դուռը»:
https://www.facebook.com/aravot.am/videos/850934401948302/
Կարդացեք նաև
Փաստաբանը նշեց, որ քննիչի ապօրինի գործողությունները բողոքարկել են. «Դատավոր Դավիթ Գրիգորյանին վերագրվում է պաշտոնեական կեղծիք կատարելու հանցագործություն, մինչդեռ քրեական գործ հարուցելը խախտամբ է կատարվել, քանի որ տեղյակ չեն պահել ՀՀ Բարձրագույն դատական խորհրդին»: Մելիքյանը հավելեց, որ դեռեւս մայիսին հայտնվել է ինչ-որ անձ, որն իբրեւ թե առավել հիմնավոր փաստարկներ է ներկայացրել՝ որպես նոր երեւան եկած հանգամանքներ, ինչի հիմքով խուզարկություն է սկսվել: Հիշեցնենք, որ դատախազությունը պարզաբանել էր դատավոր Գրիգորյանի աշխատասենյակում կատարված գործողությունները:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
