Այս տարվա հունվար-հունիսին, նախորդ տարվա նույն ժամանակահատվածի համեմատ տնտեսական ակտիվության ցուցանիշը կազմել է 6.5%: Ազգային վիճակագրական կոմիտեն այսօր հրապարակել է սոցիալ-տնտեսական օպերատիվ ամփոփ նախնական ցուցանիշները:
6.9%-ով, նույն ժամանակահատվածի համեմատ, աճել է արդյունաբերական արտադրանքի ծավալը: Գյուղատնտեսությունը անկում է գրանցել՝ 7.4%: Շինարարության ոլորոտի աճը այս տարվա հունվար-հունիսին, նախորդ տարվա նույն ժամանակահատվածի համեմատ, կազմել է 4.7%, էլեկտրաէներգիայի արտադրությունը նվազել է 5.5%-ով:
Արտահանման ծավալը նվազել է 0.5%-ով, իսկ ներմուծումն աճել է 0.5%-ով:
Առեւտրաշրջանառությունն աճել է 8.9%-ով:
Կարդացեք նաև
Ըստ ԱՎԿ-ի, ծառայությունների ծավալն, առանց առեւտրի, աճել է 15.3%-ով:
Ազգային վիճակագրական կոմիտեի հրապարակած ցուցանիշների համաձայն՝ միջին ամսական անվանական աշխատավարձի աճը կազմել է 5.6 %, պետական հատվածում՝ 6.4%, ոչ պետականում՝ 3.9%:
Նելլի ԲԱԲԱՅԱՆ
