Այսօր կառավարության նիստից հետո Պետական եկամուտների կոմիտեի նախագահ Դավիթ Անանյանից լրագրողները հետաքրքրվեցին՝ ի՞նչ ընթացքում է «Սպայկա» ընկերության նկատմամբ հարուցված գործը, եւ արդյո՞ք ընկերությանն առաջադրված հարկային պարտավորությունների թիվը մեծացել է։
Ի պատասխան, պարոն Անանյանն ասաց, որ գործի քննությունը շարունակվում է. «Անընդհատ տեղեկատվություն ենք ստանում մեր գործընկեր երկրների կողմից, հաշվարկներ ու վերահաշվարկներ են կատարվում։ Ուղղակի այս պահին, հաշվի առնելով «Սպայկայի» սերտ առնչությունը գյուղատնտեսության ոլորտի հետ, քրեաիրավական գնահատականների առումով քննությունն առանձնացրել ենք։ Եվ հնարավորություն ենք տալիս, որ իր գործունեությունում այսօր որեւէ խաթարում չլինի»:
Հարցին՝ զիջո՞ւմ են «Սպայկային», պարոն Անանյանը պատասխանեց. «Չի կարելի այդպիսի բան ասել, որովհետեւ զիջում նշանակում է ընդհանրապես օրենքին հակառակ գնալ, ինչը մենք չենք պատրաստվում անել։ Մենք հիմա ձեռք ենք բերում լրացուցիչ փաստեր, որ հաշվարկները լիարժեք լինեն։ Այս փուլում կազմակերպությանը մի փոքր, այսպես ասած, ազատ ենք թողել, որպեսզի ընկերության բնականոն աշխատանքով զբաղվեն։ Բայց դա չի նշանակում, որ մենք հետ ենք գնացել։ Հակառակը, նախապես հնչեցված 7-8 մլրդ թվերը գնալով ավելացել են»։
Մանրամասները՝ տեսանյութում
Կարդացեք նաև
Լուսինե ԲՈՒԴԱՂՅԱՆ
