Օրերս սահմանադրության մասին քննարկման ժամանակ ՀՅԴ-ականների ու ՀԱԿ փոխնախագահ Լեւոն Զուրաբյանի միջեւ թեժ վեճ եղավ: Զուրաբյանը ՀՅԴ-ին որակեց քաղաքական ահաբեկչական ուժ, ՀՅԴ ԳՄ անդամ Արծվիկ Մինասյանն էլ ի պատասխան ասաց. «Երբ քաղաքական աղբանոց նետված ուժը սկսում է նորից արժեւորել իրեն, դա է զարմանալի»:
Aravot.am-ն այս առնչությամբ Արծվիկ Մինասյանին հարցրեց՝ ՀՅԴ-ի տեղն այսօր քաղաքական դաշտում որտե՞ղ է, ՀԱԿ-ին քաղաքական աղբանոցի մասին հիշեցրեցիք, ՀՅԴ-ն էլ կարծես լուսանցք գնաց, չընտրվեց, դարձավ արտախորհրդարանական ուժ, ի՞նչ կասեք այս մասին՝ Մինասյանը պատասխանեց. «Չընտրվելը բացարձակ կապ չունի, կապ ունի այն մոտեցումն ու գաղափարը, որն այդ քաղաքական ուժը կրում է եւ հասարակության կողմից մերժվում է ընդհանրապես: Իրենք թիթեռի կյանք ունեցող քաղաքական միավոր են, ի՞նչ կլինի Լեւոն Տեր-Պետրոսյանից հետո էդ ուժի հետ չգիտեմ, բայց ՀՅԴ-ի կյանքը 130 տարի կա ու շարունակվելու է այնքան, քանի դեռ միացյալ, ազատ Հայաստանը որպես ժողովրդավարական պետություն չենք կերտել:
Լեւոն Զուրաբյանը չցանկացավ արձագանքել Արծվիկ Մինասյանի քննադատությանը՝ ասելով, որ երբ կհրապարակվի իր խոսքը, այն ժամանակ էլ կմեկնաբանի:
Կարդացեք նաև
Հռիփսիմե ՋԵԲԵՋՅԱՆ
