Ադրբեջանի ԱԳՆ-ին վրդովեցրել է Ավստրալիայի Հարավային Ուելս նահանգի ծագումով հայ վարչապետ Գլեդիս Բերեջիքլյանի այցը Հայաստան և նրա այն հայտարարությունը, որ Հարավային Ուելսն արդեն 20 տարի է՝ ճանաչում է Լեռնային Ղարաբաղի անկախությունը:
Ադրբեջանի ԱԳՆ մամուլի խոսնակ Լեյլա Ադբուլլաևան (լուսանկարում) ի պատասխան հայտարարել է, որ Ավստրալիան պաշտոնապես «միանշանակորեն ճանաչում է Ադրբեջանի ինքնիշխանությունն ու տարածքային ամբողջականությունը, և դա բազմիցս նշել են այդ երկրի պաշտոնատար անձիք իրենց հայտարարություններում, ինչպես նաև պաշտոնական նամակներում և նոտաներում»:
«Ինչ վերաբերում է Ավստրալիայի Հարավային Ուելս նահանգի ծագումով հայ վարչապետին, կցանկանայի ընդգծել, որ նրա խոսքերը չեն արտահայտում, ընդհանուր առմամբ Ավստրալիայի դաշնային կառավարության դիրքորոշումը: Կցանկանայի հարցականի տակ դնել նահանգների պաշտոնատար անձանց մասնակցության աստիճանը դաշնային կառավարության արտաքին քաղաքականության ձևավորման գործում: Հարավային Ուելսի վարչապետի՝ Հայաստանում արված հայտարարությունը ակնհայտորեն հակասում է դաշնային կառավարության դիրքորոշմանը, և մեր կարծիքով այդ համատեքստում նահանգի պաշտոնատար անձին պետք է արվի նախազգուշացում, որ որպես պաշտոնատար անձ հետևի այն երկրի պաշտոնական արտաքին քաղաքական կուրսին, որը ներկայացնում է»,- ասել է Աբդուլլաևան:
Նա նաև հիշեցրել է, որ դեռ 2013թ., երբ Բերեջիքլյանը դեռ տրանսպորտի նախարար էր, ներառվել է Ադրբեջանի ԱԳՆ սև ցուցակում, քանի որ «առանց թույլտվության այցելել էր մեր երկրի Լեռնային Ղարաբաղ շրջան»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
էս ում նկարն եք դրել կարելի ա իմանալ???
Ադրբեջանի ԱԳՆ մամուլի խոսնակ Լեյլա Ադբուլլաևան է