Քիչ առաջ տեղեկացանք, որ ՀՀ ԱՆ «Արմավիր» ՔԿՀ-ում պատիժը կրող Իրանի Իսլամական Հանրապետության թվով 18 կալանավորված անձինք ու դատապարտյալները դադարեցրին եռօրյա հացադուլը։
Հիշեցնենք, որ նրանք դժգոհում էին նախաքննական մարմիններում երկար քննվող գործերից, ինչպես նաեւ պահանջում էին դատապարտվածներին արտահանձնել Իրան։
Հացադուլավորները դիմել էին ՀՀ վարչապետ Նիկոլ Փաշինյանին, ՀՀ գլխավոր դատախազ Արթուր Դավթյանին եւ ՀՀ արդարադատության նախարարին՝ խնդրելով հանդիպում իրենց հետ։
«Դեսպանատնից իրենց ասեցին, որ ամսվա վերջին Իրանի կառավարական պատվիրակությունն է գալու եւ այդ հարցերը քննարկելու են։ Եթե բան չփոխվի, մի 15 օրից նորից հացադուլ կհայտարարեն՝ ջրադուլի հետ միասին», – ասացին կալանքի մեջ գտնվողների հարազատները։
Կարդացեք նաև
Դավիթ Արմենյան
