«Եթե մեր բնակավայրերն ու ճանապարհները գտնվում են խոցելիության գոտում, ապա հաշվի առնենք, որ դա երկկողմանի է: Եթե Х թվով ՀՀ ճանապարհներ եւ բնակավայրեր հասանելի են ադրբեջանական զինուժի համար, ապա հայկական հողմի համար հասանելի են Ադրբեջանի 2Х քանակի բնակավայրեր եւ ճանապարհներ»,-«Օրբելի» վերլուծական կենտրոնում այսօր «Ղարաբաղյան հակամարտություն. վերջին միտումներ» թեմայով քննարկման ժամանակ հայտարարեց ՀՀ ՊՆ մամուլի խոսնակ Արծրուն Հովհաննիսյանը:
Հիշեցնենք, որ օրերս հակառակորդը կրակոց էր արձակել Վայոց ձորի մարզի Երփին գյուղի վրա: «Եթե մենք ունենք մոտ երեք տասնյակ այդպիսի բնակավայր, ապա իրենք ունեն մոտ 60 այդպիսի բնակավայր եւ եռակի շատ բնակչություն: Չանտեսենք, որ հակառակորդը եւս մտահոգվելու բան ունի»,-նշեց Արծրուն Հովհաննիսյանը:
Լուիզա ՍՈՒՔԻԱՍՅԱՆ
Կարդացեք նաև
