«Խոսքը կողմերի տարածքում պահվող` կալանքի մեջ գտնվողների հարազատների փոխայցելությունների, լրագրողական այցերի, գյուղատնտեսական աշխատանքների ժամանակ հրադադարի ամրապնդման մասին է»,-«Օրբելի» վերլուծական կենտրոնում այսօր «Ղարաբաղյան հակամարտություն. վերջին միտումներ» թեմայով քննարկման ժամանակ անդրադառնալով հարցին, թե Արցախյան հակամարտության կարգավորման համատեքստում հումանիտար ինչ ծրագրերի իրականացման մասին է խոսքը, ասաց ՀՀ ԱԳՆ մամուլի խոսնակ Աննա Նաղդալյանը:
Նրա խոսքով՝ ԵԱՀԿ Մինսկի խմբի համանախագահության շրջանակում վերոնշյալի մասին քննարկումները շարունակվել են նաեւ վերջին՝ վաշինգթոնյան հանդիպման ժամանակ. «Համանախագահները որոշակի առաջարկներ են արել, որոնք դեռ պետք է դիտարկման ենթարկվեն: Մեր խնդիրն այն է, որ այդ հումանիտար ծրագրերը լինեն արժանահավատ եւ տեղում նպաստեն խաղաղության ամրապնդմանը, այլապես դրանք որպես նոր քարոզչական գործիք ներդնելը մեզ պետք չէ»:
Լուիզա ՍՈՒՔԻԱՍՅԱՆ
Կարդացեք նաև
