Ռուսաստանի իշխանությունները պատրաստվում են մեղմացնել միգրացիոն քաղաքականությունը և հնարավորություն տալ պարզեցված կարգով ժամանակավոր կացություն ստանալ ավելի լայն շրջանակի մարդկանց։ Միաժամանակ, ժամանակավոր կացության համար հայտի վերանայման ժամկետը կկրճատվի` վեց ամիս դառնալով չորս ամիս, իսկ կացությունը` անժամկետ։
Նման օրինագիծ նախապատրաստվել է Ռուսաստանի կառավարության կողմից, Պետդուման նախատեսում է երրորդ ընթերցմամբ այն քննարկել հուլիսի 23-ին։
Մասնավորապես, օրինագիծը կտարածվի այն մարդկանց վրա, որոնք ծնվել են Ռուսաստանի տարածքում, Ուկրաինայի քաղաքացի են և Ռուսաստանում ունեն փախստականի կարգավիճակ։ Բացի այդ, այդ շրջանակում կներառվեն այն մարդիկ, որոնք մշտական բնակության են տեղափոխվում Ռուսաստան՝ տեղափոխման գործընթացի կանոնակարգման և փախստականների իրավունքների պաշտպանության մասին միջազգային պայմանագրի շրջանակներում. վերջինիս մեջ ներառված են նաև Հայաստանը, Վրաստանը, Ադրբեջանը:
Քանի որ կացության իրավունքը դառնալու է անժամկետ, կառավարությունն առաջարկում է ավելացնել դրա տրամադրման պետական տուրքը՝ 3500 ռուբլուց հասցնելով մինչև 5000 ռուբլու:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
