Երևանի ընդհանուր իրավասության դատարանի Կենտրոնի նստավայրում ԱԺ նախկին պատգամավոր Մանվել Գրիգորյանի եւ նրա կնոջ՝ Նազիկ Ամիրյանի գործով դատական նիստն է (նախագահող դատավոր՝ Մնացական Մարտիրոսյան):
Մանվել Գրիգորյանը դարձյալ չէր կարողացել մասնակցել նիստին՝ ելնելով առողջական վիճակից: Բայց դատական նիստին ներկայացել էր փորձագետ «Արմենիա» բժշկական կենտրոնից: Փորձագետը Լուսինե Մամիկոնյանն էր՝ Հանրապետական հիվանդանոցի էնդոկրինոլոգիայի բաժանմունքի վարիչ, 18 տարվա աշխատանքային ստաժ ունի: Նա ասաց, որ Մանվել Գրիգորյանին հետազոտել է այս տարվա փետրվարին. «Բազմաթիվ հետազոտություններ ենք կատարել»: Դատավորը հարցրեց՝ ազգակցական կապ Մանվել Գրիգորյանի հետ չունի՞, բժիշկը վստահեցրեց, որ ոչ. «Ծանոթ էլ չենք եղել»:
Հիշեցնենք, որ նախորդ դատական նիստին որոշվել էր՝ Մանվել Գրիգորյանը պետք է բժշկական փորձաքննության ենթարկվի ու թույլատրվել է, որ փորձաքննությանը ներկա լինեն նաեւ մեղադրող կողմն ու պաշտպանության կողմը: Հիշեցնենք, որ փորձաքննությանը մասնակցելու են նաեւ օտարերկրացի փորձագետներ:
Դատախազը պահանջեց, որ բժշկուհին ներկայացնի իր ստաժի մասին հավաստող փաստաթղթեր, որպեսզի եթե ուզենա բացարկ հայտնել այդ փորձագետին, հիմք ունենա: Դատավորը հայտարարեց 2 ժամ ընդմիջում՝ այդ փաստաթղթերը բերելու համար:
Կարդացեք նաև
Հռիփսիմե ՋԵԲԵՋՅԱՆ
