2019թ. սկզբից Ադրբեջանի պաշտպանական և անվտանգության ոլորտում մարդկային կորուստները կազմել են 20 զինծառայող: Այս մասին հաղորդում է Turan գործակալությունը՝ վկայակոչելով Ռազմական հետազոտությունների կասպիան ինստիտուտի (CDSI) հաղորդագրությունը:
Մասնավորապես, նշվում է, որ 5 զինծառայող զոհվել է հայ-ադրբեջանական շփման գծում մարտական պայմաններում: Ինչ վերաբերում է ոչ մարտական զոհերին, մեկ զինծառայող մահացել է հիվանդությունից, երկուսը՝ դժբախտ պատահարից:
4 զինծառայողի մահվան պատճառները պարզված չեն, երկուսը զոհվել են ավտովթարից, 4-ը ականի և արկի պայթյունից, մեկ ինքնասպանության դեպք է գրանցվել: Մեկ զինծառայող էլ զոհվել է սահմանի վրա փոխհրաձգության հետևանքով:
Նշվում է, որ զոհերից 18-ը ծառայելիս են եղել պաշտպանության նախարարությունում՛ երկուսը՝ սահմանապահ զորքերում:
Կարդացեք նաև
Ինչ վերաբերում է վիրավորներին, 2019թ. գրանցվել է 12 վիրավորման դեպք:
CDSI ղեկավար Ջասուր Սումերինլիի խոսքով՝ նախորդ տարվա նույն ժամանակահատվածի համեմատ զոհերի թիվն աճել է (անցյալ տարի եղել է 15 զոհ, այդ թվում՝ երկու մարտական):
««Բանակի թեման» շարունակում է փակ մնալ ադրբեջանական հասարակության համար: Զորամասեր թույլատրվում են միայն որոշ լրագրողներ: Ընդհանուր քաղաքականությունը պաշտպանության և անվտանգության ոլորտում բացասական երևույթները կոծկելն է»,- ասել է Սումերիլնին:
Ադրբեջանի ՊՆ-ն առայժմ չի արձագանքել CDSI-ի հաղորդագրությանը:
Պատրաստեց՝ Վիկտորյա ԱՆԴՐԵԱՍՅԱՆԸ
