Առողջապահական խնդիրներին նվիրված այսօրվա քննարկմանը, որին մասնակցում էին նաեւ ոլորտի փորձագետներ եւ քաղաքական գործիչներ, «Իմ քայլի» պատգամավոր Լուսինե Բադալյանին դուր չեկավ այն հանգամանքը, որ «Ռեֆորմիստների կուսակցության» ղեկավար, նախկին պատգամավոր Վահան Բաբայանը քննադատեց նոր իշխանության առողջապահական ոլորտի քաղաքականությունը: Նա դիմեց Վահան Բաբայանին. «Ցավում եմ, որ քննարկումը քաղաքական բնույթ ստացավ: Մի քիչ էլ շարունակեիք, մեզ բյուջեն իջեցնելու մեջ կմեղադրեիք: Երբ դուք էիք իշխանության…»:
Վահան Բաբայանն ընդհատեց՝ Լուսինե Բադալյանին խորհուրդ տալով մի քիչ թերթեր կարդալ, որպեսզի իմանա, որ ինքը երբեւէ իշխանության մաս չի եղել եւ պատասխանատվություն չի կրել իշխանության համար. «Դուք իմ կենսագրությանը գոնե ծանո՞թ եք: Ես ժամանակին այնպիսի հարցադրումներով եմ հանդես եկել, որոնց մասին տեղյակ էլ չեք»: Լուսինե Բադալյանն արձագանքեց, որ շատ լավ է ծանոթ. «Ես համաձայն չեմ այս իշխանության հասցեին մեղադրանքներ հնչեցնելու հետ»: Բաբայանը նետեց. «Դուք իրավունք ունեք պաշտպանվելու»:
Առողջապահության ոլորտին արտոնություններ տալու թեմայի շուրջ քննարկման ժամանակ էլ Լուսինե Բադալյանը հարցադրում արեց. «Իսկ ո՞վ է որոշելու, որ արտոնությունները պետք է տրվեն, օրինակ, միայն սրտաբանության ոլորտին»: Վահան Բաբայանը միջամտեց. «Նիկոլ Փաշինյանն է որոշելու, էլ ո՞վ, ինչի չգիտե՞ք»:
https://www.facebook.com/aravot.am/videos/615994712143696/?v=615994712143696
Կարդացեք նաև
Լուիզա ՍՈՒՔԻԱՍՅԱՆ
