«Եթե դա հիպերբոլա է՝ գաղափարն ավելի ազդեցիկ եւ ընթերցողի համար ավելի լսելի դարձնելու համար, ապա հաջողված չէ»,-«Sputnik Արմենիա»-ի մամուլի կենտրոնում լրագրողների հետ հանդիպմանն այսօր անդրադառնալով վարչապետ Նիկոլ Փաշինյանի վերջին հարցազրույցին, ասաց Մարտի 1-ի գործով ՀՀ սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի շահերի պաշտպան, փաստաբան Հայկ Ալումյանը:
Հիշեցնենք՝ Փաշինյանն ասել էր. «Ովքեր ասում են, որ Ռոբերտ Քոչարյանը քաղբանտարկյալ է, նշանակում է՝ ասում են, որ ես իրավունք ունեմ ՀՀ զինված ուժերը, տանկերը մտցնել Երեւան քաղաք եւ ցանկացած ընդդիմադիր դրսեւորում ճզմել տանկերի թրթուրների տակ»:
«Իսկ եթե Նիկոլ Փաշինյանն իրոք կարծում է, որ մարտի մեկին տանկեր են մտել եւ թրթուրների տակ մարդ ճզմել, ապա հիշեցնեմ՝ նա տեղյակ է, որ թրթուրի տակ ճզմված մարդ չի եղել»,-վստահեցրեց Հայկ Ալումյանը: Նա նշեց, որ Նիկոլ Փաշինյանի հետ անմեղության կանխավարկածի առնչությամբ արդեն մեկ դատական վեճի մեջ եղել են. «Նա Ռոբերտ Քոչարյանին իր ելույթներից մեկում մարդասպան էր անվանել, հետո ասաց, թե Քոչարյանին նկատի չի ունեցել: Եթե հիմա ասենք, որ նա անմեղության կանխավարկած է խախտել, նորից կասի, որ Քոչարյանին նկատի չի ունեցել: Ուստի այլեւս աշխատում ենք բանավեճի չբռնվել նման թեմաների շուրջ: Երեւի այս դեպքում էլ Նիկոլ Փաշինյանն ապագայում կասի, որ Քոչարյանին նկատի չի ունեցել»:
https://www.facebook.com/aravot.am/videos/207849496833252/
Կարդացեք նաև
Լուիզա ՍՈՒՔԻԱՍՅԱՆ
