ԵՊՀ ուսանողների հետ տարվող աշխատանքների կենտրոնի լուծարման հետ կապված այսօր հնչել է կարծիք, որ Հոգաբարձուների խորհրդի գումարվող նիստը խախտում է ԵՊՀ կանոնադրությունը՝ հակասելով «Երևանի պետական համալսարան» հիմնադրամի կանոնադրության 49-րդ հոդվածի 2-րդ կետին։ (ԵՊՀ Ուսանողների հետ տարվող աշխատանքների կենտրոնի տնօրեն Վահագն Վարագյանն է այսօր ասուլիսում անդրադարձել Երևանի պետական համալսարանի Ուսանողների հետ տարվող աշխատանքների կենտրոնի լուծարման հարցին՝ հավաստիացնելով՝ իշխանությունները փորձում են իրենից և այլակարծությունից ազատվել, քանի որ ինքը բազմիցս ցույց է տվել իր վերաբերմունքն իշխանությունների նկատմամբ։ Վարագյանն ասել է, որ ապօրինի է հոգաբարձուների նիստ հրավիրելն ու կենտրոնի լուծարման հարցը դնելը, որովհետև նույնիսկ հաստատված օրակարգ չկա։- «Առավոտ»):
ԵՊՀ հոգաբարձուների խորհրդի քարտուղար Արթուր Իսրայելյանը պարզաբանեց, որ ամեն ինչ կատարվել է ԵՊՀ կանոնադրությանը համապատասխան: Նշված կետը վերաբերում է միայն Գիտական խորհրդի լիազորություններին, որն, իհարկե, իրավունք ունի առաջարկել կառուցվածքային փոփոխություններ։
ԵՊՀ կանոնադրության 56-րդ հոդվածի 7-րդ կետը նմանատիպ իրավունք, այն է՝ «Հոգաբարձուների խորհրդի հաստատմանը ներկայացնել կառուցվածքային ստորաբաժանումներ ստեղծելու, վերակազմակերպելու կամ լուծարելու վերաբերյալ նախագծեր» տալիս է նաև ԵՊՀ ռեկտորին, իսկ 36-րդ հոդվածի 2-րդ կետը այդ իրավունքը տալիս է Հոգաբարձուների խորհրդի յուրաքանչյուր անդամի։
Կարդացեք նաև
