Վճռաբեկ դատարանի քաղաքացիական և վարչական պալատի դատավոր Նախշուն Տավարացյանի՝ որպես ԲԴԽ անդամ լիազորությունների դադարեցման պահանջով այսօր հրավիրված ԲԴԽ նիստը մեկնարկեց կես ժամ ուշացումով:
Մեկնարկին ԲԴԽ նախագահի ժամանակավոր պաշտոնակատար Սերգեյ Չիչոյանը հայտարարեց, որ փորձում էին կապ հաստատել որպես վկա հրավիրված ԲԴԽ անդամի նախկին թեկնածուներ՝ Սուրեն Անտոնյանի և Միքայել Ստեփանյանի հետ: Նրա տեղեկացմամբ՝ պարզվել է, որ Սուրեն Անտոնյանը վատառողջ է, մյուս վկան արձակուրդում է գտնվում և ՀՀ-ից բացակայում է:
Սերգեյ Չիչոյանն առաջարկեց նիստը հետաձգել, սակայն առաջարկը ԲԴԽ անդամների՝ 3 կողմ, 5 դեմ ձայների հարաբերակցությամբ մերժվեց: Նիստը հետաձգելուն դեմ արտահայտվողները պատճառաբանեցին՝ միևնույն է նշված վկաները որևէ արժեքավոր տեղեկություն չեն կարող հայտնել, ուստի հետաձգելը որևէ խնդիր չի լուծելու:
Նիստն ավարտվեց, ԲԴԽ անդամները հեռացան խորհրդակցական սենյակ: Որոշումը կհրապարակվի այսօր՝ 12:30-ին:
Կարդացեք նաև
Տաթև ՀԱՐՈՒԹՅՈՒՆՅԱՆ
