ԱՄՆ Սենատում դեմոկրատների առաջնորդ Չակ Շումերը կոչ է արել FBI-ին և Դաշնային առևտրային հանձնաժողովին քննություն անցկացնել և ստուգել Facebook սոցցանցում տարածված FaceApp հավելվածը, որը մշակվել է Ռուսաստանում: Նա մտավախություն ունի, որ հավելվածը կարող է վտանգ ներկայացնել ԱՄՆ ազգային անվտանգությանը, հաղորդում է BBC-ն:
Հավելվածը վերջին օրերին վիրուսային է դարձել Facebook-ում, այդ թվում դրա հայկական սեկտորում. այն հնարավորություն է տալիս «ծերացնել» օգտատիրոջ դեմքը և օգտագործելիս պահանջում է «լիարժեք և անփոխարինելի հասանելիություն լուսանկարներին և անձնական տվյալներին»:
Դա կարող է սպառնալ ոչ միայն ազգային անվտանգությանը, այլև սպառնալիք ներկայացնել միլիոնավոր ամերիկացիների կոնֆիդենցիալությանը, գրել է սենատորը FBI ղեկավար Քրիստոֆեր Ռեյին և Դաշնային առևտրային հանձնաժողովի նախագահ Ջո Սայմոնսին ուղղված նամակում:
Շումերը մտահոգություն է հայտնել, որ հասկանալի չէ՝ ինչպես է հավելվածը պահպանում օգտատերերի տվյալները, և ինչպես օգտատերերը կարող են ապահովել դրանց հեռացումը հավելվածն օգտագործելուց հետո:
Կարդացեք նաև
Սենատորը «խիստ մտահոգիչ» է համարում այն, որ ԱՄՆ քաղաքացիների անձնական տվյալները կարող են փոխանցվել «թշնամի օտարերկրյա պետության»:
FaceApp-ը մշակվել է Պետերբուրգում Wireless Lab ընկերության կողմից, այն գլխավորում է «Յանդեքսի» նախկին աշխատակից Յարոսլավ Գոնչարովը:
Պատրաստեց՝ Վիկտորյա ԱՆԴՐԵԱՍՅԱՆԸ
BIG: Share if you used #FaceApp:
— Chuck Schumer (@SenSchumer) July 18, 2019
The @FBI & @FTC must look into the national security & privacy risks now
Because millions of Americans have used it
It’s owned by a Russia-based company
And users are required to provide full, irrevocable access to their personal photos & data pic.twitter.com/cejLLwBQcr
