ՀՀ մարդու իրավունքների պաշտպան Արման Թաթոյանի համար անընդունելի են կանանց նկատմամբ բռնությունները, ընտանեկան բռնությունները եւ, առհասարակ, բռնությունները: Բայց Ստամբուլյան կոնվենցիայի մասին նա հստակ եւ վերջնական կարծիք դեռ չի արտահայտում, քանի որ իր աշխատակազմում ուսումնասիրում են կոնվենցիայի շուրջ վերջին շրջանում հնչած բոլոր կարծիքները, այդ թվում նաեւ կոնվենցիայի որոշ դրույթների հակասահմանադրականության մասին հարցերը: Ինքը`Արման Թաթոյանը, նաեւ տարբեր հանդիպումներ ու քննարկումներ է ունեցել այդ թեմայի շուրջ: Կոնվենցիան, ըստ լուրերի, խորհրդարանի վավերացմանը ներկայացվելու է սեպտեմբերին:
Ի դեպ, Արման Թաթոյանի գնահատմամբ, կանանց նատմամբ բռնությունների եւ ընտանեկան բռնությունների մտահոգիչ ցուցանիշներ ունենք:
Այլ մանրամասները`տեսանյութում
Կարդացեք նաև
Լրագրողներից մեկը նկատեց, որ Ստամբուլյան կոնվենցիայի մասով քննադատվում է «երրորդ սեռ գաղափարը», նաեւ հիշեցրեց ԱԺ-ում տրանսգեդեր կնոջ ելույթի շուրջ առաջացած աղմուկը եւ հետաքրքրվեց`ի՞նչ դիրքորոշում ունի Արման Թաթոյանը այս առնչությամբ: Արման Թաթոյանն ասաց, որ ինքն այն ժամանակ հայտարարություն տարածել է, որտեղ իր դիրքորոշումը շատ հստակ է ձեւակերպված եղել: Բայց կրկնել իր դիրքորոշումը չցանկացավ:
Այլ մանրամասները`տեսանյութում
Նելլի ԳՐԻԳՈՐՅԱՆ
