ՀՀ երկրորդ նախագահ Ռոբերտ Քոչարյանի պաշտպանները գրավոր դիմում են ներկայացրել ՀՀ ՄԻՊ Արման Թաթոյանին` իրենց պաշտպանյալի խափանման միջոցը փոխելու միջնորդության վերաբերյալ: Հիշեցնենք, Ռոբերտ Քոչարյանի պաշտպաններից Հայկ Ալումյանը հայտարարել էր, որ հունիսի 27-ին առաջին ատյանի դատարան միջնորդություն են ներկայացրել` Քոչարյանի խափանման միջոցը փոխելու համար, սակայն մինչ օրս այդ միջնորդությունը չի քննվել. «Առաջին ատյանի դատարանը պարզաբանում է, որ չի կարող քննել մեր միջնորդությունը, քանի որ գործը գտնվում է վերաքննիչում, իսկ վերաքննիչը պատասխանում է, որ չի կարող գործն ուղարկել առաջին ատյանի դատարանին, քանի դեռ դրա բողոքարկման ժամկետը չի ավարտվել»:
Այսօր լրագրողների հետ հանդիպման ժամանակ, Արման Թաթոյանն ասաց, որ Ռոբերտ Քոչարյանի պաշտպանները գրավոր դիմել են ՄԻՊ-ին. «Ներկայացրել են իրենց մտահոգությունները, մենք ուսումնասիրում ենք»:
Նելլի ԳՐԻԳՈՐՅԱՆ
