Եթե ճանապարհատրանսպորտային պատահարներն անկանխատեսելի են, որոնց արդյունքում տարեկան հարյուրավոր վիրավորներ ու զոհեր ենք ունենում, ապա մեր միջավայրում էլ կան վտանգներ, որոնք միանգամայն կանխատեսելի են: Աբովյան 31 հասցեին կից գովազդային այս ծանրաքաշ վահանակից սպասվող վտանգն ակնհայտ է, սակայն որեւէ մի պատասխանատու կառույց այն վերացնելու ուղղությամբ ջանքեր չի գործադրում: Արդեն որերորդ օրն է այս վտանգը կախված է փողոցի անցորդների գլխին, եւ թեքված վահանակն ապամոնտաժելու կամ նախկին դիրքին բերելու փոխարեն` ինչ-որ ժապավենով կապկպել են ծառից:
Անկախ այն բանից` որ ընկերությանն է պատկանում գովազդային այս վահանակը, քաղաքի հարմարավետության, անվտանգության պատասխանատուները քաղաքային իշխանություններն ու վարչական շրջաններն են:
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
Կարդացեք նաև
«Առավոտ» օրաթերթ,
16.07.2019
