Ինչպես ավելի վաղ հայտնել էինք, Երեւանի քաղաքապետի կարգադրությամբ՝ Երեւանի վարչական շրջանների ղեկավարները պարգեւատրվել են 840 հազարական դրամով:
Քաղաքապետ Հայկ Մարությանը նախկինում իր հայտարարություններում շեշտել է, որ պարգեւավճարները լավ աշխատանքի խրախուսման միջոց են: Պարգեւատրվածների թվում է նաեւ Քանաքեռ-Զեյթուն վարչական շրջանի ղեկավար Կարեն Հակոբյանը:
Aravot.am-ին հաջողվեց զրուցել միայն նրա աշխատակազմի ղեկավար Արմեն Մաղաքյանի հետ: Նա Կարեն Հակոբյանի պարգեւավճար ստանալու փաստը վերջինիս փոխարեն մեկնաբանել չնախընտրեց, բայց ասաց, որ աշխատակիցները եւս պարգեւատրվել են, իսկ վարչական շրջանի ղեկավարը եւս աշխատող է համարվում: Մաղաքյանը միայն անդրադարձավ աշխատակազմի անդամների պարգեւավճարներին:
«Նրանք պարգեւատրվել են, քանի որ լայնածավալ աշխատանքներ են կատարվում: Դա աշխատավարձի չափով խրախուսում է: Մարդիկ մինչեւ երեկո աշխատում են, լինում է, որ տասին են տուն գնում, իրենց աշխատանքն են չէ՞ կատարում: Գտնում եմ, որ աշխատողին չխրախուսելը ճիշտ չէ»,-եզրափակեց մեր զրուցակիցը:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը՝ Արմեն Մաղաքյանի ֆեյսբուքյան էջից:
