«Ստամբուլում ստորագրված այդ կոնվենցիան կանանց իրավունքների եւ ընտանեկան բռնության մասին է, ուստի անվանումը քաղաքականացնելը տեղին չէ»,-«Զարկերակ» մամուլի ակումբում լրագրողների հետ զրույցում այսօր անդրադառնալով Ստամբուլյան կոնվենցիայի (ՀՀ–ն ստորագրել է, բայց դեռ չի վավերացրել) շուրջ քննարկումներին, ասաց փաստաբան Գեւորգ Դավթյանը: Նրա գնահատմամբ՝ այդ կոնվենցիան ոչ թե քաղաքական, այլ իրավական փաստաթուղթ է, որում խոսվում է գենդերային խնդիրների մասին:
«Այդ եզրույթը եւ ԼԳԲՏ անձանց շրջանակը բացասաբար է ընկալվում, բայց եթե մանրամասն ուսումնասիրենք, այդ շրջանակի անձանց խրախուսում կոնվենցիայում չկա: Մյուս կողմից, ստորագրող երկրները կարող են վերապահումներ անել: Արդարադատության նախարարությունն արտահայտել է իր վերապահումներն, օրինակ, այս հարցի շուրջ. եթե ԼԳԲՏ անձանց հանդեպ ոտնձգություն է լինում, նրանց պաշտպանության համար պետությունը ստանձնում է պարտավորություն, եթե հնարավորություն չկա բռնարարից ֆինանսական փոխհատուցում ստանալ: Օրինակ, դա կարող է լինել կացարանի տրամադրում, եւ այս հարցի շուրջ նախարարությունը վերապահում է ունեցել»,-փաստեց Գեւորգ Դանիելյանը:
Նա համաձայն չէ կարծիքների հետ, որ Ստամբուլյան կոնվեցիան հակասահմանադրական է. «Պետությունը պարտավոր է ապահովել բոլորի անվտանգությունը՝ անկախ սեռի կամ մաշկի գույնի խտրականությունից: Այդ կոնվենցիան ստորագրելու դեպքում կանայք պաշտպանված են լինելու միջազգային իրավական նորմերով: Պետք է ստեղծվի փորձաքննական մարմին, որպեսզի մարդիկ բարձրաձայնեն իրենց տարածաշրջանային խնդիրների մասին»:
https://www.facebook.com/aravot.am/videos/341360280135015/
Կարդացեք նաև
Լուիզա ՍՈՒՔԻԱՍՅԱՆ
