«ՀՀ-ԵՄ համաձայնագրով նախատեսված բարեփոխումներին նախ եւ առաջ հասարակությունը պետք է պատրաստ լինի, տեխնիկական ստանդարտների խստացումը մարդկանց պետք է բացատրենք, թե ինչի համար են»,- այսօր խորհրդարանում ԱԺ եվրոպական ինտեգրման հանձնաժողովի նիստում`ՀՀ-ԵՄ ճանապարհային քարտեզի կիրարկմանը վերաբերվող քննարկման ժամանակ ասաց ՀՀ փոխվարչապետ Մհեր Գրիգորյանը: Նա նաեւ օրինակ բերեց. «Այն ավտոպարկը որն ունենք այսօր, դրանով անհնար է եվրոպական ստանդարտների համապատասխանեցնել, բայց եթե ստանձնել ենք`պետք է անենք: Եթե յուրաքանչյուր ստանդարտի խստացումը դառնա սոցիալական խնդիր`արդյունքի չենք հասնի»:
Մանրամասները`տեսանյութում
ՀՀ-ԵՄ ճանապարհային քարտեզի կիրարկման ռիսկերի մասին հարցին էլ փոխվարչապետը պատասխանեց, որ ամեն ինչ արվել է, որպեսզի ճանապարհային քարտեզից չշեղվենք: Ամենաժամանակատարը էներգետիկ համակարգի եւ տրանսպորտաճանապարհային համակարգերի փոփոխություններն են: Մարդու իրավունքներ, ժողովրդավարություն, դատական համակարգի փոփոխություններն, ըստ Մհեր Գրիգորյանի, այսօր արդեն իսկ օրակարգում են:
Կարդացեք նաև
Այլ մանրամասները`տեսանյութում
Համաձայնագրով նախատեսված է նաեւ ԶԼՄ-ների դաշտը կարգավորող օրենսդրական փաթեթի ընդունում`մինչեւ 2020 թվականը: «Իմ քայլը» խմբակցության պատգամավոր Գայանե Աբրահամյանը նկատեց, որ արդեն որոշակի գործընթաց կա այդ ուղղությամբ, ինչպե՞ս պետք է աշխատանքները սինխրոնիզացվեն:
Փոխվարչապետի պատասխանները`տեսանյութում
Նելլի ԳՐԻԳՈՐՅԱՆ
