Կառավարության կառուցվածքի փոփոխություններից հետո ենթադրվող կրճատումների, Հայաստանի սոցիալ-տնտեսական ներկա իրավիճակի, ծառայողական ավտոմեքենաների «կրճատման» ու հարակից այլ հարցերի շուրջ «Իրատեսը» զրուցել է ԱԺ «Իմ քայլը» խորհրդարանական խմբակցության պատգամավոր, առողջապահության և սոցիալական հարցերի մշտական հանձնաժողովի անդամ ԱՐՄԱՆ ԲՈՇՅԱՆԻ հետ:
-Հայաստանյան գրեթե բոլոր կառավարություններն էլ խոսել են «սինգապուրյան հրաշքի» մասին, ինչի մասն է կազմում, օրինակ, պետական ծառայողական մեքենաներից հրաժարվելը: Դրան զուգահեռ օրերս մամուլում հրապարակում եղավ, թե Հայաստանը շարունակում է «պադավատապետություն լինել»։ Դուք կո՞ղմ եք, որ ՀՀ բոլոր քաղաքացիները հավասարապես նույն պայմաններով երթևեկեն:
-Անձամբ ինձ համար շատ ավելի հաճելի է սեփական մեքենայով երթևեկելը, երբ ես եմ տնօրինում իմ շարժը: Դա ավելի հաճելի ու ավելի հարմարավետ է: Բայց պետք է հասկանանք, որ պետական բարձրաստիճան պաշտոնյաները, անկախ անձերից, ունեն յուրահատուկ աշխատանքային գրաֆիկ, ու մեքենայի կայանումը, ժամանակին տեղ հասնելը, մտավոր ծանրաբեռնվածությունը և այլ գործոններ իրապես խնդիրներ են ստեղծում: Կան պաշտոնյաներ, որոնց համար անհրաժեշտություն է ծառայողական մեքենան աշխատանքն առավել օպերատիվ կազմակերպելու առումով: Ես հասկանում եմ նաև ձեր հարցի ենթատեքստը, այո, մշակույթն ու մտայնությունը, որ նախկինում վարորդը դիտարկվել է որպես յուրահատուկ «ստատուս», պետք է կոտրենք:
-Ինչո՞ւ նախկինում, հիմա այդպես չի՞ ընկալվում:
Կարդացեք նաև
-Եթե ընկալվում է, ապա պետք է արմատախիլ արվի, որովհետև դա ոչ մի բան չի նշանակում: Ծառայողական մեքենան ընդամենը աշխատանքն օպերատիվ կազմակերպելու ևս մեկ հնարավորություն է` տրամադրված Հայաստանի հարկատուի հաշվին:
Զրուցեց Սևակ ՎԱՐԴՈՒՄՅԱՆԸ
Հոդվածն ամբողջությամբ՝ «Իրատես» թերթի այսօրվա համարում:
