Միայն ադրբեջանական հողերի ազատագրումն է, որ կարող է նպաստավոր պայմաններ ստեղծել Լեռնային Ղարաբաղի երկու համայնքների իրավունքների հարցի լուծման համար: Այս մասին հայտարարել է Ադրբեջանի արտգործնախարարության մամուլի քարտուղար Լեյլա Աբդուլլաևան՝ մեկնաբանելով ՝ Սլովակիայում ԵԱՀԿ ոչ պաշտոնական հանդիպմանը Հայաստանի արտգործնախարար Զոհրաբ Մնացականյանի հայտարարությունը ԵԱՀԿ տարածությունում մարդու իրավունքների մասին:
«Ինչու՞ հայ նախարարը, խոսելով Լեռնային Ղարաբաղի հայկական համայնքի իրավունքների մասին, չի խոսում այդ շրջանում իրենց տներում ապրող ադրբեջանական համայնքի իրավունքների խախտումների մասին: Իհարկե, մենք և ողջ միջազգային հանրությունը գիտի այդ հարցի պատասխանը: Մարդկանց մի խմբի իրավունքները չեն կարող ապահովվել մարդկանց մյուս խմբի իրավունքների հաշվին: Միայն օկուպացված տարածքների ազատագրումն ու ադրբեջանցի հարկադիր տեղահանվածների վերադարձն է, որ կարող է նպաստավոր պայմաններ ստեղծել հակամարտության կարգավորման հետ կապված մի շարք հարցերի, ինչպես նաև Լեռնային Ղարաբաղի երկու՝ հայ և ադրբեջանական համայնքների իրավունքների և խաղաղ գոյակցության համար»,- ասել է Աբդուլլաևան:
Պատրաստեց՝ Վիկտորյա ԱՆԴՐԵԱՍՅԱՆԸ
