ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը եւ «Իմ քայլը» խմբակցության անդամ Համազասպ Դանիելյանը հուլիսի 11-ին հանդիպել են ԵԱՀԿ/ԺՀՄԻԳ-ի պատվիրակության ներկայացուցիչների հետ:
Քննարկվել են դատական եւ ընտրական համակարգերում նախատեսվող բարեփոխումներին առնչվող հարցեր: Վլադիմիր Վարդանյանը ներկայացրել է վերոնշյալ ուղղություններով հանձնաժողովի առաջիկա անելիքները, կարեւորել ԵԱՀԿ/ԺՀՄԻԳ-ի ներկայացուցիչների մասնագիտական աջակցությունը նախատեսվող բարեփոխումների իրականացման հարցում:
Անդրադարձ է կատարվել նաեւ հակակոռուպցիոն քաղաքականության ամբողջական եւ արդյունավետ իրականացման համար անհրաժեշտ քայլերին: Հանձնաժողովի նախագահը տեղեկացրել է, որ սույն թվականի հուլիսի 12-ին տեղի կունենա հակակոռուպցիոն քաղաքականության խորհրդի անդրանիկ նիստը:
ՀՀ Ազգային ժողով
