Մարդու իրավունքների եվրոպական դատարանը (ՄԻԵԴ) հուլիսի 11-ին բավարարել է Ադրբեջանի երեք քաղաքացիների բողոքը՝ կապված ազատ ընտրության իրավունքի խախտման հետ:
Իխթիյար Աբդալովը, Իբրահիմ Ահմեդզադեն և Տարիել Շիրինլին բողոք էին ներկայացրել ՄԻԵԴ առ այն, իր իրենց չի թույլատրվել մասնակցել 2010թ. խորհրդարանական ընտրություններին:
Տարածքային ընտրական հանձնաժողովները հրաժարվել էին նրանց գրանցել որպես թեկնածու՝ պատճառաբանելով որ նրանք իրենց օգտին բավականաչափ ստորագրություններ չեն հավաքել:
Նրանք այդ որոշումը վիճարկել էին դատարանում: Չնայած դատարանները բավարարել էին այդ բողոքը, բայց դատարանի որոշումն ընդունվել էր քվեարկությունից մի քանի օր առաջ, հետևաբար թեկնածուները չէին կարողացել մասնակցել քարոզարշավին: Նրանք պահանջել էին տեղափոխել ընտրությունների օրը շրջաններում, բայց դա չէր արվել:
Կարդացեք նաև
ՄԻԵԴ-ը պարտավորեցրել է հայցվորներից յուրաքանչյուրին որպես բարոյական վնասի փոխհատուցում վճարել 7500 եվրո, իսկ դատական ծախսերի համար՝ 2200-ական եվրո՝ Շիրինլիին և Ահմեդզադեին, 1400 եվրո՝ Աբդալովին:
Պատրաստեց՝ Վիկտորյա ԱՆԴՐԵԱՍՅԱՆԸ
