«Ոստիկանությունում օրենքի նոր նախագիծ է մշակվել, որի նպատակը կարգազանց վարորդներին, ընդհանրապես, երթևեկությունից հեռացնելն է»,-այսօր կառավարության նիստում ասաց վարչապետ Նիկոլ Փաշինյանը՝ անդրադառնալով հանրապետության մի քանի վայրերում և, մասնավորապես Արարատի մարզում տեղի ունեցած ողբերգական վթարին։
Նիկոլ Փաշինյանի խոսքով, այն վարորդները, որոնք պարբերաբար և չարամիտ խախտումներ են թույլ տալիս, նրանք պետք է ընդհանրապես երթևեկությունից հեռացվեն. «Նախագիծն Ազգային ժողովում է և մենք պետք է ԱԺ-ի հետ քննարկենք որքան հնարավոր է՝ այն շուտ ընդունենք։ Այս հարցով կառավարությունը և ոստիկանությունը հասարակական կազմակերպությունների հետ պետք է սերտորեն համագործակցեն»։
Վարչապետը՝ դիմելով ոստիկանապետ Վալերիյ Օսիպյանին, ասաց, որ հատկապես հիմա ճանապարհային երթևեկության նկատմամբ պետք է լինի կրկնակի, եռակի հսկողություն։
Փաշինյանն ասաց, որ 2018-2019 թվականներին ՀՀ-ում ավտոմեքենաների աննախադեպ աճ է արձանագրվել. «Մեծ ծավալի ներկրումները շարունակվում են և, դա իր հետ բերում է մարտահրավերներ, դրանց արձագանքը պետք է լինի այն, որ ոստիկանությունը ամենակոշտ միջոցները պետք է ձեռնարկի` կարգազանց վարորդների նկատմամբ։ Վերջին դեպքերը ցույց տվեցին, որ այստեղ որևէ հանդուրժողականություն պետք չէ ցուցաբերել»։
Կարդացեք նաև
Լուսինե ԲՈւԴԱՂՅԱՆ
Նայեցի տեսագրութիւնը: Փաշինեանի ու Օսիպեանի ելոյթներից այնպիսի տպաւորութիւն էր, որ խնդիրը չեն պատկերացնում, ուր մնաց լուծում գտնեն:
Հետաքրքիր առաջարկ էր ապահովագրութեան պահը, Ֆինլանդիայի օրինակով քաղաքային երթեւեկութեան բեռնաթափումը (որը Փաշինեանը հեգնեց՝ թէ իբր պա՜րզ է էլի) ու իհարկէ Արսէն Թորոսեանը, որ նոյնիսկ դրա մասնագէտն էլ չի:
Ընդհանրապէս Թորոսեանն այս կառավարութեան ամենատրամաբանուած ու խելացի մտածող մարդն է: