Այսօր վաղ առավոտյան «Վեոլիա Ջուր» ՓԲԸ կողմից սպասարկվող բոլոր բնակավայրերում արդեն վերականգնվել է ջրամատակարարման գործող գրաֆիկը:
Ինչպես տեղեկացրեց ընկերության Տեխնիկական տնօրինության Կարգավարական Խմբի ղեկավար Սարգիս Գրիգորյանը, երեկ այստեղ աշխատել են լարված ռեժիմով:
Նախ, միջոցներ են ձեռնարկվել ինքնահոս եղանակով աղբյուրներից ստացվող ջրի վերաբաշխման միջոցով մեղմելու ջրի անբավարարությունը բացառապես պոմպերով սնուցվող բնակավայրերում և տարածքներում, իսկ 19.00-ից, երբ վերականգնվել է էներգամատակարարումը, կարգավարները առցանց ռեժիմով, համակարգում ամենուր տեղադրված սարքերի օգնությամբ նորից հերթականությամբ միացրել են պոմպերը, խողովակաշարերով ջուր մղել բնակավայրեր, քայլ առ քայլ ավելացնելով ջրի քանակն ու ճնշումը բաշխիչ ցանցում:
«Վեոլիա Ջուր»,
հանրային կապերի բաժին
