ԵԱՀԿ մամուլի ազատության ներկայացուցիչ Հարլեմ Դեզիրը Լոնդոնում Կանադայի և Միացյալ Թագավորության կողմից կազմակերպված Մամուլի ազատության համաժողովում ներկայացրել է «Համատեղ հռչակագրի 20-րդ տարին. խոսքի ազատության մարտահրավերները հաջորդ տասնամյակում»:
Համատեղ հռչակագիրն ընդունվում է ամեն տարի՝ սկսած 1999թ-ից խոսքի ազատությամբ զբաղվող միջազգային կազմակերպությունների կողմից:
«Այս տարի Համատեղ հռչակագիրն ընդգծում է մամուլին ուղղված ներկայի և ապագայի մարտահրավերները, այդ թվում նրանք, որոնք վտանգ են ներկայացնում մամուլի անկախությանն ու բազմազանությանը,- ասել է Դեզիրն իր ելույթում:- Խոսքի ազատության պաշտպանությունն ու խթանումը, հատկապես (բայց ոչ միայն) թվային տիրույթում, պահանջում է այնպիսի թվային ենթակառուցվածքներ, որոնք հաստատուն են և համընդհանուր: Պետությունները պետք է ճանաչեն համացանց մուտքի հասանելիությունն ու դրա օգտագործումը՝ որպես մարդու իրավունք, քանի որ դա խոսքի ազատության արտահայտման հիմնական պայմանն է»:
Դեզիրի խոսքով՝ թվային տիրույթում խոսքի ազատության պաշտպանության և խթանման համար անհրաժեշտ են համապատասխան կարգավորումներ: «Սա ներառում է նաև մի քանի ընկերությունների, մասնավորապես սոցցանցերի, որոնողական հարթակների և այլ միջնորդների կողմից հաղորդակցության միջոցների նկատմամբ ոչ հաշվետու մասնավոր գերիշխանությանը դիմակայելուն»,- ասել է Դեզիրը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
