Ժամը 19:00-ի դրությամբ մետրոպոլիտենի աշխատանքը վերականգնվել է

Հուլիսի 10-ին, ժամը 12:49-ի սահմաններում Հանրապետության ողջ տարածքում տեղի են ունեցել վթարային անջատումներ:

Ժամը 12:49-ից 14:30-ն ԱԻՆ ՓԾ Ճգնաժամային կառավարման ազգային կենտրոնում գրանցվել է 830 ահազանգ՝ վթարային անջատումների, վերելակներում արգելափակված, ինչպես նաև մետրոպոլիտենի կայարաններում արգելափակված քաղաքացիների և գազի ազդանշանային սարքերի միացման վերաբերյալ:

Անմիջապես մետրոպոլիտենի կայարաններ են ուղարկվել ԱԻՆ ՓԾ օպերատիվ խմբեր և հրշեջ-փրկարարական ջոկատներից մարտական հաշվարկներ՝ տեղում մասնակցելու տարհանման աշխատանքներին:

Պարբերաբար կապ է հաստատվել ՀԱԷԿ-ի, էլեկտրական ցանցերի, մետրոպոլիտենի, երկաթգծի ավագ կարգապահների, կարևորագույն օբյեկտների, Երևան քաղաքի փրկարարական վարչության ճգնաժամային կառավարման բաժնի  և մարզային ճգնաժամային կառավարման կենտրոնների օպերատիվ հերթապահների հետ:

Կարդացեք նաև

Ինչ ասել է «բնականոն», երբ մարդիկ իրար տրորելով են մտնում վագոն ու 100 դրամ վճարելով էլ, փոռուփոշման դուրս գալիս կայարանից. «Հրապարակ»

• 11:07 15.11.2024

Դե, եթե հերթերի խնդիր կա պետք է հասնել ու անցնել Ճապոնիային ու պիկ ժամերին գնացքի մեջ չտեղավորվող ուղևորներին ճիպոտով խփելով ներս խցկել. «ՉԻ»

• 10:42 04.11.2024

«Ապաշնորհ կառավարման հետևանքով առաջացած հերթերը և ներդրված նոր համակարգի անսարքությունը». Աղեկյան

• 15:54 01.11.2024

Կարեն Դեմիրճյանի անվան Երևանի մետրոպոլիտենի կայարաններ են մեկնել ԱԻՆ ՓԾ հրշեջ-փրկարարական ջոկատներից մեկական մարտական հաշվարկ և Ճգնաժամային կառավարման ազգային կենտրոնի երկու օպերատիվ խումբ:

Ժամը 13:30-ի դրությամբ մետրոպոլիտենում գտնվող բոլոր քաղաքացիները տարհանվել են:

Ժամը 19:00-ի դրությամբ մետրոպոլիտենի աշխատանքը վերականգնվել է:

ԱԻՆ