Հայաստանի պետական տնտեսագիտական համալսարանի մի խումբ դասախոսներ դատի էին տվել ՀՊՏՀ ռեկտորի ժամանակավոր պաշտոնակատար Ռուբեն Հայրապետյանին եւ շահել դատը: Գագիկ Ասլանյանը, Արծրունի Թորոսյանը, Հովսեփ Աղաջանյանը, Արմեն Կարախանյանը եւ մյուսները հայցադիմում էին ներկայացրել ընդդեմ ՀՊՏՀ ռեկտորի պաշտոնակատար եւ գիտական խորհրդի նախագահ Ռուբեն Հայրապետյանի՝ «Հայաստանի պետական տնտեսագիտական համալսարանի գիտամանկավարժական կազմի ընտրության եւ տեղակալման կանոնակարգը» հաստատելու ՀՊՏՀ գիտական խորհրդի 30.04.19թ.որոշումը եւ ՀՊՏՀ դասընթացների թափուր դասաժամերի համար մրցույթի հայտարարությունը իրավաբանական ուժ չունեցող ճանաչելու պահանջով:
Aravot.am-ը տեղեկացավ, որ համալսարանի դասախոսները դատարանի որոշման հիման վրա պատրաստվում են դիմել բուհի ղեկավարությանը, նաեւ ամբիոնների ղեկավարներին, որպեսզի վերանայեն մրցույթի արդյունքներով դասաժամերի բաշխումը եւ նախկին կարգով դասախոսների ծանրաբեռնվածության ապահովումը՝ մինչեւ ըստ օրենքի կհայտարարվեն հիմնական մրցույթները:
Գոհար ՀԱԿՈԲՅԱՆ
