Մի քանի օր է՝ հայաստանյան լրատվամիջոցներում եւ սոցցանցերում քննարկվում է Ստամբուլյան կոնվենցիայի հավանական վավերացման թեման։ Կարծիքներ կան, որ Ֆեյսբուքում տարածվող բռնությունների ու բռնաբարությունների սրտաճմլիկ պատմությունները հենց դրան են միտված, որ հող նախապատրաստեն այդ կոնվենցիան վավերացնելու համար։ Նկատենք, որ այդ աղմկահարույց Ստամբուլյան կոնվենցիան ստորագրվել է ՀՀԿ-ականների օրոք՝ 2018թ. հունվարին, բայց չի վավերացվել։ Վավերացման բեռը մնացել է Նիկոլ Փաշինյանի վրա։ Եվ հիմա դրա դեմ սկսել են պայքարել նախորդ իշխանության ներկայացուցիչները եւ կողմնակիցները։
Արդարադատության նախկին նախարար Դավիթ Հարությունյանը հարցին, թե ինչու են ստորագրել մի համաձայնագիր, որի վավերացմանն այսօր դեմ են, ասաց. «Ստորագրվել է հենց նույն պատճառով, որով եվրոպական բազմաթիվ երկրներ ստորագրել են եւ չեն վավերացրել։ Եվ քանի որ հարցը քաղաքական է, ես ավելի մեղմեմ՝ ես չեմ համարում առաջնահերթ դրա վավերացումը»։
Նա չցանկացավ բացել փակագծերը, օրինակ՝ կա՞ն արդյոք ճնշումներ միջազգային հանրության կողմից, թե՞ ոչ։ Փոխարենը նշեց. «Այն երկրները, որոնք վտանգ են տեսնում, վավերացրել են վերապահումներով եւ հիմա բավականին լուրջ խնդիրների առաջ են կանգնել, որովհետեւ վերապահումներով վավերացնելը դեռեւս չի նշանակում, որ այդ վերապահումները կարող են երկար ապրել։ Դրանք ունեն առավելագույն ժամկետ, եւ այն երկրները, որոնք վավերացրել են, այս պահին բազմաթիվ հարցեր չլուծված են, իրենք էլ լուծումներ չեն գտնում»։
Ամեն դեպքում, Դավիթ Հարությունյանը չբացառեց, որ եթե ժամանակին իրենց իշխանությունը քաղաքական որոշում կայացներ՝ համաձայնագիրը ստորագրելուց զատ նաեւ վավերացնելու, իրենք կգտնեին դրա համար բավարար փաստարկներ եւ հիմնավորումներ։
Կարդացեք նաև
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
