ՍԴ դատավոր Վահե Գրիգորյանի՝ Սահմանադրական դատարանում ճգնաժամի շուրջ ԱԺ-ին եւ նախագահին հասցեագրված նամակի առնչությամբ ԱԺ «Իմ քայլը» խմբակցությունն այս պահին չունի որոշում, թե որ ճանապարհային քարտեզով է շարժվելու՝ երկխոսությունների, թե այլ:
«Մենք ծանոթացել ենք նամակին, բայց չենք շտապում որեւէ լուծումներով-առաջարկներով հանդես գալ: Չեմ բացառում, որ կընդունենք Վահե Գրիգորյանի առաջարկը, կամ ինքներս լուծման տարբերակներով հանդես կգանք»,-նշեց Լիլիթ Մակունցը:
Իսկ թե որ առաջարկի մասին է խոսքը, նա չառանձնացրեց. «Այս պահին ոչինչ չեմ բացառում, բայց խմբակցությունը չունի ձեւակերպված դիրքորոշում: Նման իրավիճակում շտապել պետք է, բայց ոչ՝ հապճեպ որոշումներ կայացնել»:
Ինչ վերաբերում է փաստին, որ ըստ «Իմ քայլի» որոշ պատգամավորների՝ ՍԴ-ում իրապես ճգնաժամ է, Մակունցը շեշտեց, որ նրանք ազատ են կարծիք արտահայտելիս. «Բայց այս պահին խմբակցությունը չունի դիրքորոշում»:
Կարդացեք նաև
Լուիզա ՍՈՒՔԻԱՍՅԱՆ
