Սեռական բռնության մասին սոցցանցերում տարածվող եւ քննարկվող պատմությունների վերաբերյալ «Իմ քայլը» խմբակցության պատգամավոր Սոֆյա Հովսեփյանի գրառումը եւս զերծ չի մնացել քննադատություններից, անգամ՝ մանդատը վայր դնելու պահանջի մասին խոսակցություններից:
Պատգամավորն իր գրառմամբ կասկածի տակ էր դրել այն պնդումը, թե բռնությունը ՀՀ-ում համատարած է: Լրագրողների հետ զրույցում այսօր նա ասաց՝ ենթադրում էր, որ սոցցանցում իր անձն ու մոտեցումները հարձակման կենթարկվեն, որովհետեւ այլակարծություն է ներկայացրել: «Չեմ ընկճվելու: Արդեն շատ լավ պատկերացնում եմ՝ կան որոշ խմբեր, որոնք սպասում է ինչ-որ բան գրեմ…»,-նշեց Սոֆյա Հովսեփյանը:
Նա փաստեց, որ իրեն թույլ չի տվել գնահատել սեռական բռնությունների պատմությունները հրապարակած օգտատիրոջ քայլը. «Ես այն փաստն եմ շեշտել միայն, որ այդ պատմություններին հետեւած մեկնաբանություններում գերիշխող էր այն, որ հայ տղամարդը բացարձակ բռնարար է, եւ ազգի կանանց 90%-ը բռնության է ենթարկվում: Ստացվում է, որ վերաբերմունք է ձեւավորվում ազգի հանդեպ: Դրվագները չի կարելի ներկայացնել որպես ազգային նկարագիր: Չեմ հերքում, որ ՀՀ-ում բռնություն կա: Ես դրա մասին խոսել եմ դեռ այն ժամանակ, երբ բոլորը լռում էին, եւ աշխատել եմ որպես մասնագետ, բայց բռնությունների ծավալն իրապես փոքրացել է»:
Կարդացեք նաև
Մանրամասն՝ տեսանյութում
https://www.facebook.com/aravot.am/videos/402224790413299/
Լուիզա ՍՈՒՔԻԱՍՅԱՆ
