16-րդ «Ոսկե ծիրան» երեւանյան միջազգային փառատոնը կբացվի հուլիսի 7-ին «Կարեն Դեմիրճյան» մարզահամերգային համալիրում: «Ոսկե ծիրանի» ծրագրերի տնօրեն Կարեն Ավետիսյանը նշեց, որ բացման ֆիլմն է Կաննի կինոփառատոնի «Ոսկե արմավենու ճյուղի» դափնեկիր հարավկորեացի ռեժիսոր Պոն Չժուն Հոյի «Մակաբույծները»: Նա հույս հայտնեց, որ այս տարի ավելի մեծ թվով մարդիկ հնարավորություն կունենան ֆիլմեր դիտելու, նախատեսված են նաեւ բացօթյա ցուցադրություններ:
Փառատոնի տնօրեն Հասմիկ Հովհաննիսյանը տեղեկացրեց, որ հուլիսի 7-ին 17:30-ին կլինի Կարմիր գորգի արարողությունը, խոստացավ, որ այն անակնկալներով է լինելու:
Հասմիկ Հովհաննիսյանը տեղեկացրեց, որ քաղաքի կենտրոնում 3 տեղեկատվական կենտրոն է լինելու՝ Շառլ Ազնավուրի հրապարակում, Հյուսիսային պողոտայում եւ Ազատության հրապարակին կից: Սպիտակ վրաններում տեղակայված կենտրոններում հնարավոր կլինեի նաեւ գտնել նաեւ փառատոնի խորհրդանիշներով հուշանվերներ եւ աքսեսուարներ, մանավանդ մարդիկ մեծ հետաքրքրություն են ցուցաբերում փառատոնի հանդեպ:
Նշվեց, որ փառատոնի փակման ֆիլմ կլինի հաղթող ֆիլմը:
Կարդացեք նաև
Գոհար ՀԱԿՈԲՅԱՆ
