Սուրբ Գրիգոր Լուսավորիչ բժշկական կենտրոնում բացահայտված խոշոր չարաշահումների մասին այսօր առողջապահության նախկին նախարար Արմեն Մուրադյանը լրագրողների հետ զրույցում ասաց, որ պատրաստ է բացատրություն տալ, եթե իր առնչությունը լինի այդ գործընթացում:
Հարցին՝ իր պաշտոնավարման շրջանում են եղել այդ չարաշահումները, եւ արդյո՞ք իր թերացումը տեսնում է, Մուրադյանը պատասխանեց. «Չի թերանում նա, ով որեւիցե բան չի անում։ Այդ ամբողջ գործընթացը բացարձակ չի վերաբերում իմ նախարարական պաշտոնավարման ժամկետին»։
Նախկին նախարարն ասաց՝ եթե որեւէ տեսակի հարց լինի իր հետ կապված, ինքը միշտ Հայաստանում է՝ իր արարքների համար պատասխանատու է եւ բացատրություն կարող է տալ:
Հարցին՝ արդյո՞ք սպասելի էին իր համար այդ չարաշահումները, ի վերջո պետական հիվանդանոցին գումար է հատկացնում պետությունը, Մուրադյանը պատասխանեց, որ բացարձակ սպասելի չէին. «Երբ իրավապահների կողմից կլինի ապացուցված մեղքի բաժին՝ կարող ենք քննարկել»:
Կարդացեք նաև
Հարցին՝ ինչպե՞ս է գնահատում առողջապահության նախարար Արսեն Թորոսյանի՝ առողջապահության ոլորտի բարեփոխումները, մասնավորապես 0-18 տարեկանների անվճար բուժօգնությունը, Մուրադյանը պատասխանեց. «Յուրաքանչյուր գործընթաց, որը միտում ունի առողջ պահելու մեր բնակչությանը, ողջունելի է: Այսօր ամենահարուստ երկրները չեն կարող զբաղվել միայն բուժումով, միանշանակ կանխարգելման աշխատանքները, բուժծառայությունների որակի լավացնելով, ավելացնելով հասանելիությունը, այս ամենը կարելի է գնահատել դրական»:
Մանրամասները՝ տեսանյութում
Նելլի ԲԱԲԱՅԱՆ
